இலங்கையில் காலநிலை மாற்றம் பற்றிய கல்வி முறை

காலநிலை மாற்றம் பற்றிய கல்வி முறை பற்றி COP 15 இல் இலங்கை ஜனாதிபதி ரணில் விக்ரமசிங்க அவர்கள் பேசினார். அதன் பிறகு இது ஒரு பேசு பொருளாக மாறியுள்ளது எனலாம்.  அவர் கால நிலை மாற்றம் பற்றிய கல்விக்கான பல்கலைகழகம் ஒன்றை மாலைத்தீவின் நிறுவனம் ஒன்றுடன் இணைந்து நிறுவ உள்ளதாக உரையாற்றினார்.

மேலும், இடைக்கால வரவு செலவுத் திட்ட உரையின் போது ஜனாதிபதி விக்கிரமசிங்க, “வெளிநாட்டு மாணவர்களுக்கு கல்வி வாய்ப்புகளை வழங்குவதற்கு தனியார் முதலீடுகளை இலங்கை ஊக்குவிக்க வேண்டும். உலகில் உள்ள பல நாடுகள் தங்கள் வெளிநாட்டு இருப்புக்களைக் கட்டியெழுப்பும் வகையில் சர்வதேச மாணவர்களுக்கு கல்வி வாய்ப்புகளைத் திறந்துவிட்டன. உதாரணமாக, தெற்காசிய பிராந்தியத்தில், பங்களாதேஷ், இந்தியா மற்றும் நேபாளம் ஏற்கனவே வெளிநாட்டு மாணவர்களுக்கு தங்கள் வெளிநாட்டு கையிருப்பைக் கட்டியெழுப்ப தங்கள் நாடுகளைத் திறந்துவிட்டன” என கூறினார்.

UN கால நிலை மாற்ற குழுவிலிருந்து Maria Laura Vinuela அவர்கள் “முறையான கல்வியானது காலநிலை மாற்றம், சுற்றுச்சூழலைப் பற்றிய போதுமான புரிதலை மக்களுக்கு வழங்குவதுடன் மேலும் நீடித்து நிலைத்து வாழ்வது எப்படியென்ற அறிவையும் புகட்ட வேண்டும் என அவர் கூறினார்.” மேலும் “பின்னர் அவர்கள் நடவடிக்கை எடுப்பதற்கும், நிலையானதாக வாழ்வதற்கும், நுகர்வு மற்றும் உற்பத்தி முறைகளை மாற்றுவதற்கும், குறைந்த உமிழ்வு, காலநிலை-எதிர்ப்பு சமூகங்கள் மற்றும் நிலையான வளர்ச்சியை மேம்படுத்துவதற்கான கொள்கை வகுப்பில் திறம்பட பங்கேற்பதற்கும் தேவையான அறிவு, திறன்கள் மற்றும் மனப்பான்மைகளையும் கொண்டிருக்க வேண்டும் என அவர் கூறினார்.

காலநிலை மாற்றக் கல்வி, அல்லது CCE, 2000 களின் முற்பகுதியில் கால நிலை மாற்றத்தால் பூமிக்கு ஏற்படும் ஆபத்துகளில் இருந்து வழிவகுக்க ஆரம்பிக்கபட்டது.

Climate Fact Checks இலங்கையில் உள்ளுர் கல்வி முறையில் CCE ஐ அறிமுகப்படுத்துவதற்கான சாத்தியக்கூறுகள் மற்றும் அதை வெற்றிகரமாக நடைமுறைப்படுத்த நிரப்பப்பட வேண்டிய இடைவெளிகளையும் பற்றி ஆழமாக ஆராய்ந்தது.

CCE in the formal education system of Sri Lanka

ஆரம்ப மற்றும் இடைநிலைக் கல்விக்கு பல்வேறு வகையான பாடசாலைகள் உள்ளன. கூடுதலாக, சில பள்ளிகள் ஆரம்ப மற்றும் இடைநிலைக் கல்வியை வழங்குகின்றன. இந்தப் பள்ளிகளில் அரசுப் பள்ளிகளும் அடங்கும் ம்ற்றும் தனியார் பள்ளிகள்; பிரிவேனாக்கள் (பௌத்த மையங்கள்); சர்வதேச பள்ளிகள் என்பனவும் அடங்கும்.

ஆரம்பக் கல்வியில், தேசிய பாடத்திட்டத்தின் படி நான்கு பாடத் துறைகளில் மாணவர்களுக்கு பாடங்கள் கற்பிக்கப்படுகின்றன: மொழி, கணிதம், சுற்றுச்சூழல் தொடர்பான செயல்பாடுகள் மற்றும் மதம் சார் கல்வி என்பனவாகும். இருப்பினும், சுற்றுச்சூழல் ஆய்வுகள் பாடமானது, பாடத்திட்டம் தொடர்புடைய பொது அறிவில் அதிக கவனம் செலுத்துகிறது, இது மாணவர்களை 5ம் தர புலமைபரிசில் போட்டித் தேர்வில் தேர்ச்சி பெற வழிவகுக்கின்றது.

உலகலாவிய மற்றும் தேசிய ரீதியான சூழலியல் பிரச்சினைகளை பற்றி மாணவர்கள் பயில்வது இப்போது அவசியமாகின்றது. அவ்வாறான கல்வியில் செயற்பாடு அவர்களை எதிர்காலத்து சவால்களை எதிர்கொள்ள தயார்படுத்தும்.

இலங்கையின் இரண்டாந்தர கல்வி 8 வருடங்களை கொண்டது. இது தரம் 6 தொடக்கம் 9 வரையான ஜூனியர் இரண்டாந்தர கல்வி மற்றும் 10 தொடக்கம் 12 வரையான சீனியர் இரண்டாந்தர கல்வி அவத்தைகளையும் கொண்டது. இரண்டாந்தர கல்வியில் புவியியல் , விஞ்ஞானம், சமூககல்வி, சுகாதார கல்வி என்பன கால நிலை சார் பிரச்சினைகள் மீது கவனம் செலுத்தும் பாடங்களையும் கொண்டு அமைந்துள்ளது. ஆனால இவை கால நிலை மாற்றத்தின் சில அம்சங்களை மட்டுமே கொண்டு அமைந்துள்ளது.

சீனியர் இரண்டாந்தர கல்வி மாணவர்களை சாதாரண தரம் மற்றும் உயர்தர போட்டி பரீட்சைகளுக்கு முகங்கொடுப்பதற்கான கல்வி முறையாக இருக்கின்றது. இருப்பினும், இந்தத் தேர்வுகள் எதுவும் சுற்றுச்சூழல் தொடர்பான சவால்களுக்கு முக்கியத்துவம் கொடுக்காததால், மாணவர்கள் பாடத்தில் ஆழ்ந்த ஆர்வம் இருந்தால் மட்டுமே அவற்றில் கவனம் செலுத்துவார்கள்.

இலங்கையின் உயர்தர கல்வியான பல்கலைகழக படிப்புகள் சுற்றுச்சூழல் சார்ந்த பட்ட படிப்புகளையும், பட்டபின் படிப்புகளையும் கொண்டு அமைந்துள்ளது. இருப்பினும், அனைத்து குடிமக்களின் அறிவுத் தளத்திலும் சேர்க்கப்பட வேண்டிய பாடத்தை ஆழமாகப் படிக்கும் வாய்ப்பு ஒரு சில இளைஞர்களுக்கு மட்டுமே கிடைக்கிறது.

The National Curriculum Framework for Secondary Education in Sri Lanka ஆனது இது 21 ஆம் நூற்றாண்டின் மற்றும் அதற்கு அப்பால் உள்ள சவால்களுக்குத் தயாராக இருக்கும் குடிமக்களை உருவாக்குவது மற்றும் நாட்டின் நிலையான தேசிய வளர்ச்சி மற்றும் நாட்டின் அமைதிக்கான செயல்முறைக்கு பங்களிப்பதற்கான இறுதி இலக்கை வரையறுக்கும் பொதுக் கல்வி பற்றிய உள்ளடக்கி இருக்கின்றது. இலங்கையின் கல்வியறிவு வீதம் 2020 இல் 92.38 ஆக பதிவாகியிருந்த போதிலும், காலநிலை எழுத்தறிவு மிகவும் மோசமாக உள்ளது.

One of Its kind Climate Change University

கால நிலை மாற்றம் உலகின் அனைத்து நாடுகளின் அரசாங்கங்களும் முக்கியத்துவம் கொடுக்கும் ஒரு விடயமாக மாறி விட்டது. அதன்படி, காலநிலை மாற்றத்தின் பல்வேறு அம்சங்களைப் பற்றிய உயர் கல்வியை வழங்குவதில் பல பல்கலைக்கழகங்கள் முன்னணியில் உள்ளன. உலகில் கால நிலை மாற்றம் பற்றிய கல்விக்கு உகந்த சிறந்த 7 பல்கலைகழகங்களின் பட்டியலை 2020ல் CEO World Magazine வெளியிட்டது.

1. Duke University
2. University of Oxford
3. Harvard University
4. Stanford University
5. University of California
6. University of Queensland
7. Imperial College of London

எவ்வாறாயினும், ஜனாதிபதி விக்கிரமசிங்க முன்மொழிந்த காலநிலை மாற்றம் தொடர்பான பாடநெறிகளுக்கு மட்டுமான பல்கலைகழகம் உலகில் எங்கும் இல்லை.

கால நிலை மாற்றகல்வி (CCE) இலங்கையின் நடைமுறைக்கு சாத்தியமா?

CCE ஏற்கனவே உலகெங்கிலும் உள்ள சில நாடுகளில் ஆரம்ப மற்றும் இடைநிலைக் கல்வி முறையான கல்விக்கு அறிமுகப்படுத்தப்பட்டுள்ளது. எடுத்துக்காட்டாக, எத்தியோப்பியாவில், தேசிய பாடத்திட்டக் கட்டமைப்பு (2020) 1 முதல் 12 ஆம் வகுப்பு வரையிலான அனைத்துப் பாடங்களிலும் சுற்றுச்சூழல் மற்றும் காலநிலை மாற்றம் ஒரு விடயமாக அமைந்துள்ளது.

சாம்பியாவில் National Climate Change Learning Strategy (2021) மூலம் சிறுவர் பராமரிப்பில் இருந்து இரண்டாந்தர கல்வி வரை கால நிலை மாற்றம் உள்ளடங்கி இருக்கின்றது. கூடுதலாக, காலநிலை மாற்றக் கல்விச் சட்டத்தை (2021) ஏற்றுக்கொண்ட முதல் நாடுகளில் அமெரிக்காவும் ஒன்றாகும். CCE உலகளவில் எவ்வாறு செயல்படுத்தப்பட்டது என்பதைப் பற்றி மேலும் படிக்க. Archived here.

இருப்பினும், உலகெங்கிலும் உள்ள மில்லியன் கணக்கான ஆசிரியர்களைப் பிரதிநிதித்துவப்படுத்தும் “தொழிற்சங்க கல்வி சர்வதேசத்தின் அறிக்கை” ஆனது பல நாடுகள் காலநிலை மாற்றக் கல்வியை வழங்குவதற்கான அர்ப்பணிப்புகளில் அதிக கவனம் செலுத்த வேண்டும் என்று கூறுகிறது. பாரிஸ் உடன்படிக்கையின் இலக்குகளுக்கான தங்கள் உறுதிப்பாட்டின் ஒரு பகுதியாக “புதுப்பிக்கப்பட்ட தேசிய அளவில் தீர்மானிக்கப்பட்ட பங்களிப்புகளை “(NDCs) சமர்ப்பித்த 95 நாடுகளில், 24% மான இளைஞர்களின் கல்வி செயற்பாடு கால நிலை மாற்றம் பற்றியதாக அமையவுள்ளது என ஆராய்ச்சி ஒன்று தெரிவிக்கின்றது.

இலங்கையில் தற்போதுள்ள கல்வி/நிர்வாக முறைக்கும் CCE நடைமுறைப்படுத்துவதற்கும் இடையில் பல இடைவெளிகள் காணப்படுகின்றன.

அதன்படி இந்த இடைவெளிகளைக் கண்டறிய ஒரு PESTEL பகுப்பாய்வு நடத்தப்பட்டது;

1. அரசியல் – உறுதியற்றதன்மை மற்றும் ஊழல் என்பன குறிப்பிட்ட அதிகாரிகள் CCE மீது கவனம் செலுத்துவதை கட்டுபடுத்தும்
2. பொருளாதாரம் – தற்போதைய பொருளாதார நெருக்கடி மற்றும் பணவீக்கத்தை கருத்தில் கொண்டு, அதற்கு அதிக நிதி தேவைப்படும்.
3. சமூகவியல்- காலநிலை மாற்றத்தை நோக்கிய மக்களின் ஆர்வ நிலைகள் மிகவும் மோசமாக உள்ளன, அவர்கள் அன்றாடம் எதிர்கொள்ளும் கவலைக்குரிய முக்கியமான பிரச்சனைகளைக் கருத்தில் கொள்ளும் போது அவர்களால் கால நிலை மாற்றம் சம்மந்தமாக  கவனம் செலுத்த முடியாமல் போகும்.
4. தொழில்நுட்பம் – காலநிலை நடவடிக்கைகளின் அடிப்படையில் இலங்கை தொழில்நுட்ப ரீதியாக புதுப்பிக்கப்பட வேண்டிய தேவைகளை கொண்டுள்ளது.
5. சூழலியல்- தீவிர வானிலை நிகழ்வுகள் மற்றும் தற்போதுள்ள சுற்றுச்சூழலின் தவறான நிர்வாகத்தின் தொடர்ச்சியான பயம் CCE ஐ கற்பிப்பதை பாசாங்குத்தனமாக ஆக்கும்.
6. சட்டம் – வலுவான கொள்கைகள் மற்றும் ஒழுங்குமுறைகள் நடைமுறையில் இருப்பதுடன் அவை முறையாக செயல்படுத்தப்பட வேண்டும்.

CCE இலங்கைக்கு புதிய நம்பிக்கையை கொண்டு வருமா?

தற்போதுள்ள அமைப்பில் உள்ள இடைவெளிகளைப் பொருட்படுத்தாமல், காலநிலை மாற்றம் குறித்த நடைமுறை அறிவை உள்ளடக்கிய கல்வி முறையைச் செயல்படுத்துவது எப்போதும் இன்றியமையாதது, இது எதிர்கால சந்ததியினர் மிகவும் நெகிழ்ச்சியுடன் இருக்க உதவியாக இருக்கும். காலநிலை மாற்றம் தொடர்பான விழிப்புணர்வை பாடசாலை மாணவர்களிடையே இலங்கை வெற்றிகரமாக உருவாக்குவதுடன், அதிகரித்துவரும் தாக்கங்களுக்கு மீள்தன்மையுடன் அதனை எதிர்த்துப் போராடுவதற்கு மாணவர்கள் மத்தியில் புத்தாக்க சிந்தனையை உருவாக்க வேண்டும்.

இதன் மூலம் வரவிருக்கும் ஒரு சிறந்த தலைமுறையின் கைகளில் நாட்டை விட்டுச் சென்றோம் என்பதை உணர்ந்து எதிர்காலத்தில் நம்பிக்கையுடன் இருக்க முடியும்.