El Niño, ENSO, காலநிலை மாற்றம் மற்றும் இலங்கையின் தற்போதைய வெப்பம்

உலக வானிலை மையம் மற்றும் இன்னும் சில வானிலை அமைப்பு மையங்களினால் 2023ம் ஆண்டு El-Nino ஆண்டாக அமையும் என எச்சரிக்கை விடப்பட்டுள்ளது. அந்த எச்சரிக்கை பற்றி ஆராயும் முன்பாக பூமியை சுற்றியுள்ள வளி மண்டல இயக்கம் பற்றி சுருக்கமாக பார்ப்போம்.

பூமியானது பல்வேறுபட்ட வாயுக்கள், தூசிகள், துணிக்கைகள், நீராவிகள் என்பவற்றை கொண்டுள்ளது. வளிமண்டலமானது புவி மேற்பரப்பில் இருந்து 100 km மேல் மட்டம் வரையான பகுதிகளை உள்ளடக்கியது. இவ் வளியானது ஒரு இடத்தில் இருந்து இன்னொரு இடத்திற்கு அசைந்த வண்ணமே இருக்கின்றது. அவற்றை வளிமண்டல சுழற்சி என கூறலாம். பல விஞ்ஞானிகளால் பல வருடங்களாக நடத்தப்பட்ட ஆய்வுகளின் அடிப்படையில் வளி மண்டல அசைவானது a three-cell model எனும் கருதுகோள் மூலம் விளக்கப்பட்டு ஏற்றுக்கொள்ளப்பட்டும் உள்ளது. அவையாவன,

  1) the area margined by the equator and latitude of 30 degrees

 2) the area margined by latitudes 30 and 60 degrees

 3) the area margined by latitudes 60 and 90 degrees

                         படம் 01 -Three cell model of atmospheric circulations

காலநிலை விஞ்ஞானிகளான ஹாட்லி மற்றும் வாக்கர் ஆகியோரின் நீண்ட அவதானிப்புகளுக்குப் பிறகு, வடக்கு-தெற்கு திசையில் உள்ள செல்களில் பெரிய அளவிலான காற்று இயக்கங்கள் இருப்பதாக ஹாட்லி முடிவு செய்தார், மேலும் அவை ஹாட்லி செல்கள் (Hadley Cells) என்று பெயரிடப்பட்டன (படம் 02). கிழக்கு-மேற்கு திசையில் உள்ள செல்களில் பெரிய அளவிலான காற்று இயக்கங்கள் இருப்பதாக வாக்கர் முடிவு செய்தார், அவை வாக்கர் செல்கள் (A Walker cell)என்று அழைக்கப்பட்டன. ( படம் 03)

     படம் 02 – Hadley Cells படம் 03 – A Walker cell

காற்று ஒரு இடத்திலிருந்து இன்னொரு இடத்திற்கு நகரும் போது, ​​அது வெப்பம் (வெப்பநிலை) மற்றும் ஈரப்பதச் செறிவு (ஈரப்பதம்) போன்ற வளிமண்டல பண்புகளை கடத்துகிறது, மேலும் ஒரு இடத்தில் அல்லது ஒரு பகுதியில் உள்ள வானிலை மற்றும் காலநிலை ஆகியவை இந்த பண்புகளினால் உருவாக்கப்படுகின்றன. எனவே, வானிலை மற்றும் காலநிலை முன்னறிவிப்பு பூமியைச் சுற்றியுள்ள காற்று இயக்கத்தின் பகுப்பாய்வுகளின் அடிப்படையில் அமைந்துள்ளது. 

அதுபோன்ற தரவுகளின் அடிப்படையில் இலங்கையின் காலநிலையானது வருடத்திற்கு 4 வகையான நிலைமைகளை கொண்டுள்ளது.

1. முதல் இடைக்கால பருவ பெயர்ச்சி ( மார்ச்- ஏப்ரல்)

2. தென்மேற்கு பருவ பெயர்ச்சி ( மே- செப்டெம்பர்)

3. இரண்டாம் இடைக்கால பருவ பெயர்ச்சி ( ஒக்டோபர் – நவம்பர்)

4. வடகிழக்கு  பருவ பெயர்ச்சி ( டிசம்பர் – பெப்ரவரி)

மேற்குறிப்பிட்ட வகைப்படுத்தல் இலங்கைப் பகுதியில் வானிலை அளவுருக்கள், முக்கியமாகக் காற்றழுத்தம் ஆகியவற்றின் விநியோகத்தை அடிப்படையாகக் கொண்டது. தீவின் நிலப்பரப்பு மிகவும் விரிவானது என்பதால், தாழ்நிலப் பகுதிகள் மத்திய மலைப்பகுதியைச் சூழ்ந்துள்ளன; வானிலை அளவுருக்களை தவிர, ஒவ்வொரு பருவத்திலும் நிலப்பரப்பு தன்மைகளும் காலநிலை மாறுபாட்டை ஏற்படுத்துகின்றன.

உலகளாவிய வானிலை பண்புகளை கருத்தில் கொள்ளும்போது, ​​சராசரியாக, பசிபிக் பெருங்கடல் வெப்பமிகுந்த வெப்பநிலை மற்றும் மேற்குப் பகுதியில் குறைந்த அழுத்ததுடனும் கிழக்குப் பகுதியில் குளிர்மையான வெப்பநிலை மற்றும் உயர் அழுத்தத்தாலும் வகைப்படுத்தப்படுகிறது. Walker cellன் படி பசிபிக் பெருங்கடலுக்கு மேல் கடல் மேற்பரப்பில் கிழக்கிலிருந்து மேற்கு நோக்கி காற்று வீசுவதோடு மேற்கில் இருந்து கிழக்கு நோக்கிய காற்றானது உயர் நிலை மட்டத்தை கொண்டவையாக இருக்கும்.

               படம் 04 – பசிபிக் கடலுக்கு மேலான Walker Cells

இப்போது எல் – நினோ பற்றி ஆராயலாம்

பல்வேறு இயற்கை காரணங்களால், கிழக்கு பசிபிக்கின் மேற்பரப்பு நீர் வெப்பமடைகிறது, மேலும் வெப்பமான எல் நினோ எனப்படுவது பசிபிக் பெருங்கடலின் வெப்பமண்டலம் முழுவதும் தொடர்ச்சியான காலநிலை வடிவத்தின் வெப்பமிக்க நிலையாகும். 

இந்த தோற்றப்பாடானது இரண்டு முதல் ஏழு ஆண்டுகளுக்கு ஒருமுறை ஒழுங்கற்ற முறையில் முன்னும் பின்னுமாக மாற்றமடைகின்றது. இது கடல் மேற்பரப்பு வெப்பநிலையில் கணிக்கக்கூடிய மாற்றங்களைக் கொண்டுவருகிறது மற்றும் வெப்பமண்டல பிரதேசங்கள் முழுவதும் காற்று மற்றும் மழை வடிவங்களை சீர்குலைக்கிறது.

இயற்கை காரணங்களால் பூமத்திய ரேகையைச் சுற்றி வடக்கு-தெற்கு திசையில் கடல் நீரின் வெப்பம் மாற்றமடைகின்றது. எனவே, இந்த அலைவு எல் நினோ தெற்கு அலைவு என அழைக்கப்படுகிறது. (ENSO)

எல் நினோ உலகின் பல்வேறு பகுதிகளில் காலநிலை முறைகளை கணிசமாக பாதிக்கிறது. இயற்கையாக நிகழும் இந்த நிகழ்வானது மத்திய மற்றும் கிழக்கு பூமத்திய ரேகையின் பசிபிக் பகுதியில் கடல் வெப்பநிலை ஏற்ற இறக்க மாற்றங்களையும், வளிமண்டலத்தில் ஏற்படும் மாற்றங்களையும் உள்ளடக்கியது. விஞ்ஞான தொழிநுட்பங்களானது இந்த நிகழ்வைப் புரிந்துகொள்வதிலும் மாடலிங் செய்வதிலும் ஒன்று முதல் ஒன்பது மாதங்களுக்கு முன்னதாகவே கணிப்புத் திறனை மேம்படுத்தி, கடும் மழை, வெள்ளம் மற்றும் வறட்சி போன்ற தொடர்புடைய ஆபத்துக்களுக்கு சமூகத்தைத் தயார்படுத்த அனுமதிக்கிறது.

எல் நினோ சூழ்நிலைகளில் பசிபிக் பெருங்கடலில் உள்ள வாக்கர் செல்களின் காற்றோட்டங்களின் திசை மற்றும் காற்றின் வேகம் மாறுவதால், அது உலகெங்கிலும் உள்ள மற்ற வாக்கர் செல்களில் மாற்றங்களை ஏற்படுத்தும். மறைமுக விளைவுகளாக, உலகம் முழுவதும் ஹாட்லி செல்களிலும் குறிப்பிடத்தக்க மாற்றங்கள் ஏற்படுகின்றன, இது இறுதியில் ஆசியா உட்பட உலகின் பல பகுதிகளில் வானிலை நிலைகளில் குறிப்பிடத்தக்க மாற்றங்களையும் ஏற்ற இறக்கங்களையும் ஏற்படுத்தும். நம் புவியானது அனைத்து பகுதிகளிலும் ஒன்றோடொன்று இணைந்திருப்பதால் ஒரு இடத்தில் ஏற்படும் பாதிப்பு அனைத்து பகுதிகளும் பாதிப்பை ஏற்படுத்தும் வண்ணம் அமைகின்றது. 

எல் நினோ நிகழ்வின் போது, ​​மத்திய மற்றும் கிழக்கு பசிபிக் பெருங்கடல்களில் மேற்பரப்பு நீர் வழக்கத்தை விட கணிசமாக வெப்பமடைகிறது. அந்த மாற்றம் வளிமண்டலத்துடனும் பரந்த பசிபிக் மீது வீசும் காற்றுடனும் நெருக்கமாகப் பிணைந்துள்ளது. இதன்போது East Trade காற்று (அமெரிக்காவில் இருந்து ஆசியாவை நோக்கி வீசும்) தடுமாறி, மேற்குப் பகுதிகளாகவும் மாற்றமடையகூடும். இது மேற்கு பசிபிக் பகுதியிலிருந்து அமெரிக்காவை நோக்கி வெதுவெதுப்பான நீரின் பெரும் திரள்களை ஊடுருவ அனுமதிக்கிறது.

வெப்பமண்டல பசிபிக் பெருங்கடலுக்கு மேலே உள்ள காற்றின் சுழற்சி கடல் வெப்பத்தின் இந்த மிகப்பெரிய மறுபகிர்வுக்கு பதிலளிக்கிறது. கிழக்கு பசிபிக் பகுதியில் பொதுவாக வலுவான உயர் அழுத்த அமைப்புகள் பலவீனமடைகின்றன, இதனால் கிழக்கு, மத்திய மற்றும் மேற்கு பசிபிக் முழுவதும் வளிமண்டல அழுத்தத்தின் சமநிலை மாறுகிறது. கிழக்குக் காற்று வறண்டதாகவும் நிலையானதாகவும் இருக்கும் அதே வேளையில், பசிபிக் மேற்குப் பகுதிகள் வெப்பமான, ஈரப்பதமான காற்றினை கொண்டிருக்கும்.

பசுபிக் சமுத்திர படுக்கையானது பூமியின் 1/3 பகுதியை கொண்டுள்ளது. இதன் காரணமாக இந்த காற்று மற்றும் ஈரப்பதம் உலகம் முழுவதும் பரவுகின்றன. பசிபிக் பிரதேச காற்று மற்றும் பசிபிக் நீர்நிலைகளில் எல் நினோ மாற்றங்கள் தொடங்குவதை நாம் அறிவோம்.  ஆனால் மாற்றத்தைத் தூண்டுவது எது என்பது ஒரு அறிவியல் புதிராகவே உள்ளது. எல் நினோ என்பது பூமியில் வானிலையை உருவாக்கும் மிக முக்கியமான நிகழ்வுகளில் ஒன்றாகும், இதை “master weather-maker என எழுத்தாளர் Madeleine Nash கூறுகின்றார். 

மாறிவரும் கடல் நிலைமைகள் அமெரிக்காவின் மேற்கு கடற்கரையோரங்களில் வானிலை முறைகளையும் கடல் மீன்வளத்தையும் சீர்குலைக்கிறது. பெரு, சிலி, மெக்சிகோ மற்றும் தென்மேற்கு ஐக்கிய மாகாணங்களின் வறண்ட பகுதிகள் பெரும்பாலும் பனியாலும் மழை வெள்ளத்தினாலும் மூழ்கியுள்ளன, மேலும் தரிசு பாலைவன நிலங்கள் வெடிப்பதும் அறியப்படுகிறது.

எல் நினோ நிகழ்வுகள் சாதாரணமாக இரண்டு முதல் ஏழு ஆண்டுகளுக்கு ஒருமுறை நிகழும். எல் நினோ பொதுவாக நவம்பர் மற்றும் ஜனவரி மாதங்களுக்கு இடையே உச்சத்தை அடைகிறது, இருப்பினும் பல மாதங்களுக்கு முன்பே அதன் உருவாக்கம் கண்டறியப்பட கூடியதாக உள்ளது. மேலும் அதன் விளைவுகள் உலகம் முழுவதும் பரவ பல மாதங்கள் ஆகும்.

எல் நினோ காலநிலை மாற்றத்தால் ஏற்படவில்லை என்றாலும், பசிபிக் நீரிலிருந்து மேலோட்டமான வளிமண்டலத்தில் அதிக அளவு வெப்பம் உயர்வதால், அது அடிக்கடி பதிவு செய்யப்பட்ட சில வெப்பமான ஆண்டுகளை உருவாக்குகிறது. 1972-73, 1982-83, 1997-98, மற்றும் 2015-16 போன்ற மோசமான எல் நினோ நிகழ்வுகள் கடந்த அரை நூற்றாண்டில் பெரும் வெள்ளம், வறட்சி, காட்டுத் தீ மற்றும் பவளப்பாறை வெளுப்பு நிகழ்வுகள் என்பற்றை ஏற்படுத்திச் சென்றது குறிப்பிடத்தக்கது.

இலங்கையின் எல் நினோ விளைவு மற்றும் தற்போதைய காலநிலை நிலவரம்

இந்த நாட்களில் வெப்பமண்டல நாடான இலங்கையின் காலநிலையில் திடீர் மாற்றங்களைக் காணலாம். 80 சதவீதமான கடல்பரப்பு கொண்ட பசிபிக் பெருங்கடலின் வெப்பநிலை பகுப்பாய்வு மூலம், 38.3 °F (3.5 °C) என்று முடிவு செய்யப்பட்டுள்ளது. பசிபிக் பகுதிக்கு கடல் நீர் நீரோட்டங்கள் மூலம் வெதுவெதுப்பான நீரைக் கொண்டு செல்வதால், கடல் நீரின் வெப்பநிலை உயர்கிறது, இது எல் நினோ அமைப்புகளின் வளர்ச்சியை ஏற்படுத்துகிறது, இது அவ்வப்போது நிகழ்கிறது. எல் நினோவின் போது, ​​பசிபிக் பெருங்கடலில் நீர் வெப்பநிலை சராசரியை விட சராசரியாக 3 – 5 டிகிரி உயரக்கூடும்.

முதல் பருவமழைக் காலத்தில் குறிப்பிட்ட காலநிலை நிலைகள் நீடிப்பதால், இந்தப் பருவத்தில் நம்மைச் சுற்றியுள்ள வளிமண்டலம் சூடாக இருக்கும். ஏப்ரல் 5 முதல் 15 வரை சூரியன் இலங்கை பரப்புக்கு மேல் உச்சம் கொள்வதால் பூமியின் மேற்பரப்பிற்கு அருகிலுள்ள கீழ் வளிமண்டலம் அதிக ஈரப்பதமாகவும் வெப்பமாகவும் மாறும். இதன் விளைவாக, பகல் மற்றும் இரவு முழுவதும் மிகவும் வெப்பமான வளிமண்டல நிலையை அனுபவிக்கிறோம். வளிமண்டலவியல் துறையானது இலங்கையின் அனைத்துப் பகுதிகளின் வெப்பச் சுட்டெண்களை தினசரி அடிப்படையில் கணக்கிடுகிறது, மேலும் அந்தத் திணைக்களத்தினால் வெளியிடப்பட்ட தகவல்களின்படி, வெப்பச் சுட்டெண், பொதுவாக நாம் உணரும் வெப்பநிலை, பெரும்பாலான பகுதிகளில் மேற்பரப்பு வெப்பநிலையை விட அதிகமாக இருக்கும்.
எல் நினோ சூழ்நிலைகளில்,  Walker cellகளின் காற்றின் நீரோடைகள் இயல்பை விட சற்று வெப்பமடைவதால், இலங்கையின் கீழ் வளிமண்டலத்தின் வெப்பம் அதிகரிக்கலாம், இதன் விளைவாகவே இலங்கைப் பகுதியில் அதிக வெப்ப குறியீடுகள் ஏற்படும். ஏப்ரல் மாதத்தில் மிகவும் சூடாக உணர இதுவும் ஒரு காரணமாக இருக்கலாம்.