വിശദീകരണം | എന്താണ് പ്രകൃതി വാതകം (നാച്വറല്‍ ഗൃാസ്), അത് കാലാവസ്ഥാ വ്യതിയാനത്തിന് എങ്ങനെ കാരണമാകുന്നു?

അടുത്തിടെ ഇന്ത്യയും റഷ്യയും ഊർജ സഹകരണത്തിൽ ധാരണാപത്രം ഒപ്പുവച്ചിരുന്നു. റഷ്യയിൽ നിന്ന് ഇന്ത്യയിലേക്ക് ദീർഘകാല അടിസ്ഥനത്തിൽ ദ്രവീകൃത പ്രകൃതി വാതക വിതരണം ചെയ്യാനുള്ള ഉടമ്പടിയാണ് രണ്ടു രാജങ്ങളും ഒപ്പുവെച്ചിരിക്കുന്നത്. റഷ്യയിലെ ഏറ്റവും വലിയ എൽഎൻജി വിതരണക്കാരായ നോവാടെക്കും  ഗെയിൽ ഉൾപ്പെടെയുള്ള നിരവധി ഇന്ത്യൻ കമ്പനികളും തമ്മിൽലാണ് കരാർ.

ഇതോടൊപ്പം യൂറോപ്യൻ യൂണിയൻ യുഎസിൽ നിന്നുള്ള എൽഎൻജി ഇറക്കുമതി വിപുലീകരിക്കാനുള്ള ശ്രമങ്ങൾ കണ്ടുവരുന്നു. റഷ്യയിൽ നിന്നും വാതകം വങ്ങിക്കുന്നത് കുറയ്ക്കുന്നതിനാണ് ഈ നീക്കം. റഷ്യയിൽ നിന്ന് നേരത്തെ ലഭിച്ച ഊർജ വിതരണത്തിന് പകരം, രാജ്യത്തെ സഹായിക്കുന്നതിനുള്ള വിപുലമായ ശ്രമത്തിൻ്റെ ഭാഗമായി ജനുവരി ആദ്യം അമേരിക്കയിൽ നിന്നുള്ള എൽഎൻജിയുടെ ആദ്യ ലോഡ്  ജർമ്മനിയിലെത്തി.

ഫ്രാക്കിംഗ് പ്രക്രിയയിലൂടെ ലഭിക്കുന്ന  എൽഎൻജി നിരവധി കാലാവസ്ഥാ ആശങ്കകൾ ഉയർത്തിയിട്ടുണ്ട്. ആഗോള താപനില കുറക്കേണ്ടുന്ന ഈ സഹചരൃത്തിൽ ഈ ശ്രമങ്ങൾ വലിയ നിരാശയാണ് കാലാവസ്ഥാ പ്രവർത്തകരിൽ സൃഷ്ടിച്ചിരിക്കുന്നത്.  പ്രകൃതി 

വാതകത്തേക്കാൾ 10 മടങ്ങ് കൂടുതൽ ഹരിതഗൃഹ വാതക 

എൽഎൻജി പുറന്തള്ളുന്നു, അതിൻ്റെ ദ്രുതഗതിയിലുള്ള വികാസം കാലാവസ്ഥാ ലക്ഷ്യങ്ങളെ മറച്ചുകളയുക തന്നെ ചെയ്യും.  അതുകൊണ്ട് എൽഎൻജിയുമായി ബന്ധപ്പെട്ട കാലാവസ്ഥാ അപകടസാധ്യതകളെക്കുറിച്ചു  മനസ്സിലാക്കേണ്ടതുണ്ട്.

എന്താണ് ദ്രവീകൃത പ്രകൃതി വാതകം (LNG)?

പ്രകൃതി വാതകം പുനരുൽപ്പാദിപ്പിക്കാനാവാത്ത, ജൈവഇന്ധന ഊർജ്ജ സ്രോതസ്സാണ്. ദശലക്ഷക്കണക്കിന് വർഷങ്ങൾ പഴക്കമുള്ള സസ്യങ്ങളുടെയും ജന്തുക്കളുടെയും അവശിഷ്ടങ്ങൾ ഭൂമിയുടെ ഉപരിതലത്തിലും സമുദ്രത്തിൻ്റെ അടിത്തട്ടിലും ഇടതൂർന്ന പാളികളിൽ അടിഞ്ഞുകുടുകയും, പാളികൾക്കുള്ളിലെ മർദ്ദവും ചൂടും ഇവയിലുള്ള കാർബൺ- ഹൈഡ്രജൻ  അടങ്ങിയ വസ്തുക്കളിൽ വരുന്ന മാറ്റങ്ങൾ പ്രകൃതി വാതകം രൂപപ്പെടുവാൻ കാരണമാവുകയും ചെയ്യുന്നു. മീഥെയ്ൻ (CH4) ആണ് പ്രകൃതി വാതകത്തിൻ്റെ ഏറ്റവും വലിയ ഘടകം.

 ദ്രവീകൃത പ്രകൃതി വാതകം(എൽഎൻജി)  ദ്രവ രൂപത്തിലാക്കിയ  പ്രകൃതി വാതകമാണ്.  ഷിപ്പിംഗിനും സംഭരണത്തിനുവേണ്ടി ഏകദേശം -260° ഫാരൻഹീറ്റിൽ തണുപ്പിച്ചാണ്  ദ്രാവകാവസ്ഥയിലേക്ക് മാറ്റുന്നത്. എനർജി ഇൻഫർമേഷൻ അഡ്മിനിസ്ട്രേഷൻ (EIA) കണക്കുകൾ പ്രകാരം ദ്രവാവസ്ഥയിലുള്ള പ്രകൃതി വാതകത്തിന്റെ അളവ്, പ്രകൃതി വാതക പൈപ്പ്ലൈനിലെ വാതകാവസ്ഥയിലുള്ള വോളിയത്തേക്കാൾ 600 മടങ്ങ് ചെറുതാണ്.  ദ്രവീകരണം പത്തൊൻപതാം നൂറ്റാണ്ടിൽ വികസിപ്പിച്ച പ്രക്രിയാണ്. പ്രകൃതി വാതക പൈപ്പ്ലൈനുകൾ എത്താത്ത സ്ഥലങ്ങളിലേക്ക് പ്രകൃതി വാതകം കൊണ്ടുപോകുവാനും ഗതാഗത ഇന്ധനമായി വാതകം ഉപയോഗിക്കുവാനും സാധ്യമാക്കുന്നു. പ്രകൃതി വാതകം ഉൽപ്പാദിപ്പിക്കുന്ന പ്രദേശങ്ങളിൽ നിന്ന് അന്താരാഷ്ട്ര വിപണികളിലേക്ക് മാറ്റുന്നതിനുള്ള ഒരു മാർഗമാണ് എൽഎൻജി.

LNG എങ്ങനെയാണ് കൊണ്ടുപോകുന്നത്?

എൽഎൻജി വിൽപനകേന്ദ്രത്തിൽ നിന്നു പൈപ്പ് ലൈനുകൾ വഴിയാണ് എൽഎൻജി കയറ്റുമതി ചെയ്യുന്നത്. അവർ പിന്നീട് ഗതാഗതത്തിനായി വാതകത്തെ ദ്രവീകരിക്കുന്നു. വലിയ, ഓൺബോർഡ്, സൂപ്പർ-കൂൾഡ് (ക്രയോജനിക്) ടാങ്കുകളിൽ എൽഎൻജി കാരിയർ എന്ന് വിളിക്കപ്പെടുന്ന ടാങ്കറുകളാണ് മിക്ക എൽഎൻജിയും കൊണ്ടുപോകുന്നത്. കപ്പലുകളിലും ട്രക്കുകളിലും സ്ഥാപിക്കാവുന്ന ചെറിയ ഇൻ്റർനാഷണൽ ഓർഗനൈസേഷൻ ഫോർ സ്റ്റാൻഡേർഡൈസേഷൻ (ഐഎസ്ഒ)-കംപ്ലയന്റ് കണ്ടെയ്‌നറുകളിലും എൽഎൻജി കൊണ്ടുപോകുന്നത്.

ടെർമിനലുകളിൽ വെച്ചു എൽഎൻജി കപ്പലുകളിൽ നിന്ന് ഇറക്കിയ ശേഷം ക്രയോജനിക് സംഭരണ ​​​​ടാങ്കുകളിൽ സംഭരിക്കുന്നു, അത് വീണ്ടും വാതകമാക്കിയുപയോഗിക്കാനായി  റീഗാസിഫിക്കേഷൻ പ്രക്രിയിലൂടെ കടത്തിവിടുന്നു. അതിശേഷം പ്രകൃതി വാതക പൈപ്പ് ലൈനുകൾ വഴി പ്രകൃതി വാതകം ഉപയോഗിച്ച് പ്രവർത്തിക്കുന്ന പവർ പ്ലാന്റുകൾ, വ്യാവസായിക സൗകര്യങ്ങൾ, പാർപ്പിട, വാണിജ്യ ഉപഭോക്താക്കൾ എന്നിവയിലേക്ക് കൊണ്ടുപോകുന്നു.ഏഷ്യൻ രാജ്യങ്ങൾ ആഗോള എൽഎൻജി ഇറക്കുമതിയുടെ ഏറ്റവും വലിയ പങ്ക് വഹിക്കൂന്നു.

തണുപ്പിക്കുവാനും, ദ്രവീകൃതമാക്കനും, ഗതാഗതം, ഗതാഗതത്തിനു ശേഷമുള്ള റീഗാസിഫിക്കേഷൻ നടപടിക്രമങ്ങൾ എന്നിവയ്ക്ക് ധാരാളം ഊർജ്ജം ആവശ്യമാണ്. എൽഎൻജിയുടെ കയറ്റുമതി സാധ്യതകൾ ഉണ്ടായിരുന്നിട്ടും, ദ്രവീകൃതമാക്കുന്നതിനും എൽഎൻജി ഉൽപ്പാദിപ്പിക്കുന്നതിനുമുള്ള ഉയർന്ന വില അതിൻ്റെ വിപണിയെ പരിമിതപ്പെടുത്തിയിരിക്കുന്നു. ഇതനുസരിച്ച് ആൻഡി ഘോർഗിയു ദ്രവീകരണ പ്രക്രിയയിലൂടെ വാതകത്തിൻ്റെ ഊർജ്ജത്തിൻ്റെ 10-25% നഷ്ടപ്പെടുന്നതായി കണക്കാക്കപ്പെടുന്നു.

എൽഎൻജിയുടെ കാലാവസ്ഥാ പ്രത്യാഘാതങ്ങൾ എന്തൊക്കെയാണ്?

ഉയർന്ന ഊർജ്ജ ആവശ്യകത: ഒരു റിസർവോയറിൽ നിന്ന് പ്രകൃതി വാതകം വേർതിരിച്ചെടുക്കാനും, ഗ്യാസ് ഫീൽഡിൽ നിന്ന് എൽഎൻജി സൗകര്യത്തിലേക്ക് സംസ്കരിക്കാനും, കുറഞ്ഞ താപനിലയിലേക്ക് വാതകം തണുപ്പിക്കാനും അവ വീണ്ടും പൂർവരൂപത്തിലാക്കാനും ധാരാളം ഊർജ്ജം ആവശ്യമാണ്.

മീഥേൻ ചോർച്ച: വിതരണ ശൃംഖലയിലെ  മീഥേൻ ചോർച്ച എൽഎൻജിയുടെ ഉയർന്ന ഉദ്വമനത്തിന് കാരണമാകുന്നു. “എൽഎൻജിയുടെ കൂടുതൽ സങ്കീർണ്ണമായ ഉൽപ്പാദനവും ഗതാഗത പ്രക്രിയയും കാരണം- ഉൽപ്പാദനം, ഗതാഗതം, റീഗാസിഫിക്കേഷൻ ശൃംഖല എന്നിവയ്ക്കൊപ്പം മീഥേൻ ചോർച്ചയുടെ അപകടസാധ്യതകൾ വളരെ കൂടുതലാണ്, ഘോർഗിയു പറഞ്ഞു. ഇതനുസരിച്ച് എൻ.ഡി.ആർ.സി, എൽഎൻജി വേർതിരിച്ചെടുക്കുമ്പോഴും ഗതാഗതം വഋി വരുന്ന മീഥേൻ ചോർച്ച കൂടി കണക്കാകുയാണങ്കിൽ  എൽഎൻജിയുടെ ലൈഫ് സൈക്കിൾ ഉദ്‌വമനത്തിൻ്റെ 14 ശതമാനം ഇവ മൂലമാണ്.

മലിനീകരണ വാതകം:  എൽഎൻജി ഉദ്‌വമനം സാധാരണ പ്രകൃതി വാതകത്തിൻ്റെ ഇരട്ടി ഹരിതഗൃഹ വാതകമാണ് പുറംതള്ളുന്നത് (നാച്ചുറൽ റിസോഴ്സസ് ഡിഫൻസ് കൗൺസിൽ ,NDRC). എൽഎൻജിയുടെ വേർതിരിച്ചെടുക്കൽ, ഗതാഗതം, ദ്രവീകരണം, പുനർ-ഗ്യാസിഫിക്കേഷൻ എന്നിവയിൽ നിന്നുള്ള ഹരിതഗൃഹ വാതക (ജിഎച്ച്ജി) ഉദ്‌വമനം വാതകത്തിൻ്റെ യഥാർത്ഥ ജ്വലനത്തിൽ നിന്നുള്ള ഉദ്‌വമനത്തിന് ഏതാണ്ട് തുല്യമായിരിക്കും, ഇത് വാതകത്തിൽ നിന്ന് സൃഷ്ടിക്കപ്പെടുന്ന ഊർജ്ജത്തിൻ്റെ ഓരോ യൂണിറ്റും കാലാവസ്ഥാ ആഘാതത്തെ ഇരട്ടിയാക്കുന്നു. 

കാലാവസ്ഥാ വ്യതിയാനം സംബന്ധിച്ച പാരീസ് ഉടമ്പടിക്ക് എങ്ങനെയാണ് എൽഎൻജി കയറ്റുമതി ഭീഷണിയാകുന്നത്?

2015-ൽ ഹരിതഗൃഹ വാതകങ്ങളുടെ പുറന്തള്ളൽ മൂലമുള്ള കാലാവസ്ഥാ വ്യതിയാനത്തിൽ തീവ്രത കുറക്കുവാൻ വേണ്ടി അംഗരാജ്യങ്ങൾ പാരീസ് ഉടമ്പടിയിൽ ഒപ്പുവെച്ചു. ആഗോളതാപനം 2 ഡിഗ്രിയിൽ താഴെയായി പരിമിതപ്പെടുത്തുക എന്നതാണ് ഇതിന്റെ ലക്ഷ്യം, വ്യാവസായിക കാലഘട്ടത്തിന് മുമ്പുള്ള നിലയുമായി താരതമ്യപ്പെടുത്തുമ്പോൾ 1.5 ഡിഗ്രി സെൽഷ്യസിനുള്ളിൽ നിർത്തുവാനാണ് ശ്രമിക്കുന്നത്.  അതിൻ്റെ COP27 അപ്‌ഡേറ്റിൽ പ്രകാരം 2021 നും 2050 നും കാലയളവിൽ നിർമ്മാണത്തിലിരിക്കുന്നതും അംഗീകരിച്ചതും നിർദ്ദേശിച്ചതുമായ ദ്രവീകൃത പ്രകൃതി വാതക (LNG) ഉൽപ്പാദന പദ്ധതികളിൽ നിന്നുള്ള CO2 ഉദ്‌വമനം ഏകദേശം 10% വരുന്നു. ഇത് ആഗോള കാർബൺ ബജറ്റ് പ്രകാരമുള്ള 1.5˚C താപത്തെകാൾ കൂടുതൽ അണ്.

അതിനാൽ, എൽഎൻജി കയറ്റുമതി ചെയ്യുന്നത് 1.5 ഡിഗ്രി സെൽഷ്യസിലോ അതിൽ താഴെയോ താപനില നിലനിർത്തുക എന്ന ആഗോള ലക്ഷ്യം കൈവരിക്കാൻ സഹായിക്കില്ല, മാത്രമല്ല ഇത് മുൻനിര കമ്മ്യൂണിറ്റികളിൽ വിനാശകരമായ പ്രത്യാഘാതങ്ങൾ ഉണ്ടാക്കുകയും ചെയ്യും.